Neste ano 2023 volta o visado das autorizacións de transporte público de mercadorías e operadores de transporte

• Realizarase no mes que corresponda segundo o último díxito do NIF/CIF. 

• Os lixeiros que realizan transporte internacional tamén deberán visar e acreditar cumprir todos os requisitos, incluída a competencia profesional. 

Como consecuencia da pandemia, o Goberno decretou en xullo de 2020 en pleno confinamento pola Covid-19, a prórroga de diferentes trámites administrativos, entre os cales estaba o visado das autorizacións de transporte. Esta prórroga supuxo alongar a vixencia das autorizacións un ano máis, é dicir, ata 2023.

Por tanto, este ano recupérase a normalidade do visado con periodicidade bianual, de modo que as autorizacións de transporte de mercadorías a partir de agora visarán nos anos impares e as autorizacións de transporte de viaxeiros farano nos anos pares.

Como se recordará, conforme o calendario fixado no seu día polo Ministerio de Transportes, o visado deberá realizarse no mes que corresponda en función do último número de identificación fiscal do titular da autorización de transporte a visar, polo que en consecuencia este mes de xaneiro corresponderá visar a todos os titulares de autorizacións de transporte de mercadorías e operadores de transporte cuxa terminación acabe en 1, e así sucesivamente os seguintes meses agás agosto:

Visado das autorizacións de lixeiro que realizan transporte internacional

Por outra banda, aqueles transportistas lixeiros que realizan transporte internacional que tiveron que solicitar a licenza comunitaria en 2022 como consecuencia das novas esixencias establecidas no Paquete de Mobilidade aprobado pola Unión Europea, deberán ter en conta que dita autorización internacional ten limitada a súa validez a 1 ano, polo cal deberán renovala no mes en que lle corresponda realizar o visado da súa autorización de transporte neste ano 2023, momento en que o Servizo de Transportes da Xunta de Galicia comprobará o cumprimento de todos os requisitos esixidos para a súa obtención. É dicir, deberán acreditar que seguen cumprindo o requisito de competencia profesional (ben a nome propio ou ben contratando a un xestor), o establecemento, honorabilidade e capacidade económica (neste caso, 1.800 € polo primeiro vehículo e 900 € por cada un dos seguintes).